夥俄籍小鮮肉拍廣告 佘詩曼只鍾情成熟男

佘詩曼（阿佘）日前與網絡紅人「俄仔」Artem Ansheles拍攝護膚品廣告，雖然阿佘跟Ansheles年齡相差20年，但兩人在廣告中毫無違和感；不過阿佘自言比較鍾情成熟穩重的男人，故姊弟戀絕非她杯茶。

近年專注內地發展的佘詩曼，雖然經常穿州過省十分勞碌，但她的生活作息健康，又經常做瑜伽健身，難怪已屆46歲的她身材依然fit爆，皮膚又白又滑。日前，阿佘拍攝全新護膚品廣告，夥拍26歲的Ansheles時如沐春風，期間阿佘更要為Ansheles塗眼霜，她笑言︰「平日自己搽cream就多，幫人搽真係未試過，唔係好就手，所以都有小心啲，始終女仔指甲好尖。」雖然阿佘並不熟手，但幸好最後沒有篤到Ansheles雙眼。

努力運動操出「佘腰」

今次與年輕20載的Ansheles合作，問阿佘現實中又可會接受姊弟戀？她表示︰「感情世界相信年紀唔係最大問題，不過個人比較鍾情成熟穩重、令我好欣賞嘅人。」

另外，阿佘昨日在社交平台展示健身成果，其纖幼「佘腰」非常吸睛，阿佘透露︰「遲啲演出角色需要，所以趁有時間就努力運動，做運動後發覺成個人精神狀態都好咗，自己都希望keep住。」

撰文︰倪小珊

美術︰梁政敏